Ætlum að setja þessa síðu í salt í einhvern tíma. Fengum ekki nógu marga styrktaraðila á síðuna þannig að það er einfaldlega of dýrt að halda úti svona stórsíðu. Kostar milljónir já milljónir. Fyrir utan það er bara svo mikið að gera hjá honum Arnari í Kirkju Jesú Krists Hinna Síðari Daga Heilögu og á þeim bæ eru svona bloggsíður glæpaverk. Getur vel verið að við komum með einhver gullkorn seinna meir.

 Kveðjum í bili með þessarri gullfallegu mynd af okkar aðalsponsor sem hefur verið okkur svo tryggur á bloggtímabilinu. Njótið Stálrisans

 K.

Það er óhætt að segja að það sé búið að vera nóg að gera frá því maður kom á svæðið. Ekki búið að gefast mikill tími í að segja sögur hérna á Spliffinu. Eða eins og söngkonan sagði um árið "We don´t need another hero". Hvernig svosem það tengist nú málinu. En eigum við nú ekki að renna í fljótheitum yfir það sem er búið að gerast og leyfa nokkrum myndum að tala sínu máli. Á milli vinnu er maður búinn að nýta helgarnar meira eða minna í að vera úti á landi. Held ég bara allar helgarnar.

6-8 júl var haldið í Fnjóská. Við Svanur lögðum af stað um 10 leitið en þurftum að snúa svona tólf sinnum við því það gleymdist alltaf eitthvað. Veski, skór, nefndu það. Ég sá um keyrsluna að þessu sinni þar sem Svanurinn náði að slasa sig í fótbolta fyrr í vikunni. Þetta var viljandi svo hann gæti legið í ölinu á leiðinni. Hann kann þetta drengurinn. Jæja við lentum á svæðinu aðeins of seint en fórum strax að veiða. Veiddum ekkert. Ekki heldur Addi og Hervör. Slappt. Komum svo inn í hús svangir og þyrstir. Voru ekki einhver gamalmenni á milli sextugs og sjötugs búnir að koma sér fyrir í húsinu. Við létum það á okkur fá. Í fyrstu allavegana. Þar til að það kom í ljós að þetta voru hommar. Já eldgamlir hommar. Þetta var ekki Hervöru bjóðandi, eða reyndar okkur öllum. Voru utan í hvor örðum endalaust. Ahhhh. Þetta var ekki alveg að ganga. Hef ekkert á móti hommum en ef þeir eru svona gamlir og í einhverju keleríi þá gengur það ekki upp. En það eru sem betur fer 2 veiðihús við Fnjóská. Stungum af í hitt húsið sem var ekki alveg eins gott. En það slapp. Þar höfðum við það bara fínt, Grilluðum, sungum og drukkum í okkur kjark fyrir átök næsta dags. Þar gekk okkur svaklega vel. Tókum fullt af flottum bleikjum og nokkra urriðatitti. Laxinn lét ekki sjá sig í þetta sinnið. Svo var fólk frekar þreytt þetta kvöldið. Spilaður var hálfur manni og svo bara sofnaði fólk. Daginn eftir tók Addi svo fína bleikju. Það var allt og sumt.

Helgina eftir, eða frá fimmtudegi til laugardags var farið í Reykjadalsá í Borgarfirði. Á sem Arnar Smári valdi fyrir okkur í janúar minnir mig. Þar sem það var ekki búið að rigna í fleiri vikur þá rann varla blessuð áin þannig að það má líta á þessa ferð sem góða sumarbústaðarferð í góðum félagsskap. En það var reynt bara svona upp á grínið liggur við. Það var eitt svæði sem var möguleiki. Addi Stóri hringdi í mig fyrsta kvöldið og sagði að leigutaki árinnar hefði hringt í sig upp í vinnu í Lax-á og sagt hafa séð 2 laxa á stað sem hét Klettsfljót. Von kviknaði og við fórum beinustu leið þangað daginn eftir. Ég held að þessi blessaði leigutaki hafi bara að verið að ljúga þessu helvítið á honum til að halda veiðimönnum við efnið og gefa þeim von. Því við sáum ekki kvikindi þarna. Ekki einu sinni hornsíli. Börðum þennan stað fram og aftur. Þannig að við gáfumst bara upp. Eða þannig lagað. En þetta var samt snilldarferð eins og sú fyrri. Grillað, sungið og gloríur. Seinna kvöldið fór reyndar vatnið hjá okkur. Bæði heita og kalda. Potturinn varð eins og drullumall. Við reyndum nú okkar besta við að skila bústaðnum þokkalegum. Tókum drulluga vatnið úr pottinum. Suðum það og vöskuðum upp. Enda fékk ég símtal um leið og ég kom heim, frá Adda. "Hvernig skilduð þið eiginlega við bústaðinn? Mennirnir sem voru að mæta uppeftir sögðu að það væri búið að skíta og míga í pottinn. Hann sagði þetta nú samt með hlægjandi tón þar sem hann vissi hvað hefði skeð. Góð ferð.

Sunnudaginn eftir fórum við Addi svo í Ytri-Rangá sem gaf yfir 4000 þús laxa í fyrra. Og á sama tíma í fyrra voru að veiðast svona 60 laxar á dag. Reyndar á 16 stangir. En nú komu 3 og við áttum engan þeirra. Held að þetta gangi bara ekki hjá mér í sumar.

Jæja svo nú á laugardaginn skellti ég mér á sjálft Miðsumarsblótið að Holti í Síðu nálægt Kirkjubæjarklaustri. Hannes sjálfur var gestgjafinn og var spilað á gítar og sungið fram undir morgun. Bjarni Gunnars og Helga kærastan hans Bjarni mætti að sjálfsögðu með netabolinn eins og honum er einum lagið. Þið sem þekkið til netabolsins vitið að það verður enginn svikinn af þeirri sjón. Annars var þetta bara snilld í alla staði.

Komið gott í bili.

K.

Þá er maður lentur á landinu góða. Kom á föstudaginn síðasta og hef bara einfaldlega ekki haft kjarkinn til að koma með færslu frá því að ég kom heim. En nú er ég búinn að peppa mig upp. Síðustu dagar fyrir prófið voru hrein geðveiki. En mér til góðs var rigning og engin sólarglæta í nær tvær vikur áður en prófið skall á. Þannig að maður náði að læra í ró og frið og engar strandarferðir eða því um líkt freistaði manns. Síðustu vikuna þá var maður í skólanum til svona 3 um nóttina en á þá síðustu ákvað ég þegar klukkan var 4 að nóttu að ég nennti bara einfaldlega ekki að keyra til Fredericia og leggja mig þannig að ég bara hellti upp á aðra kaffikönnu og var bara í skólanum þar til að prófið byrjaði. Sem var 14 daginn eftir. Mér gekk svo mjög vel í prófinu. Sem er bara gott og léttir að þetta sé búið í bili. Þessi langa vaka var ekki sniðug að því leitinu til að ég átti eftir að tæma íbúðina mína áður en ég myndi fara í lest kl. 3 um nóttina. Ég var svo þreyttur þegar ég kom heim að ég stillti 3 vekjaraklukkur á klukkutíma. Varð að leggja mig. En ég náttúrulega rumskaði ekki við þessar klukkur og svaf í 5 tíma. Þá hófst algjör geðveiki við að reyna að tæma blessuðu íbúðina. En því miður þá náði ég því ekki alveg og var handboltaliðið sem á íbúðina ekki par sátt með mig. Hefði kannski bara átt að panta flug á laugardeginum en landið góða kallaði hástöfum. En ég bauðst til að borga bara þrif á þessu. En ég tók eins mikið og ég gat og 10 mín í þrjú þá keyrði ég sem óður maður á lestarstöðina og hljóp um borð í lestina sem var að fara. Settist svo á móti einhverri stelpu löðursveittur og ógeðslegur. Skammaðist mín hálfpartinn. En svona er þetta bara. Ekki tók betra við þegar ég kom á Kastup. Þar var einhver lengsta og mesta röð sem ég hef lent í á ævinni. Tók 1 og 1/2 tíma. Þannig að ég þurfti líka að hlaupa upp í flugvél og svitnaði ég enn á ný. Þannig að við lendingu þegar hún mamma kom og sótti elskulegan son sinn þá angaði hann eins og ógæfumaður af verstu gerð. En maður var nú fljótur að þrífa sig þegar maður lenti heima. Lagt sig í nokkra tíma og skellt sér svo í grill til Gulla. Svo eftir matinn var skellt vel í sig og kíkt í bæinn. Eða allir nema Gulli. Skilst að hann sé að verða eitthvað Handycap drengurinn. Fín bæjarferð. Daginn eftir var svipað uppi á teningnum. Nema þá var kíkt til Gvendar Hafþórs ásamt Gvendi Haarde og Danna. Það var bara mjög fínt eins og fyrri daginn. Svosem engir deitailar sem þarf að fara í frá því kvöldi nema að við sátum á Celtic til að ganga sex í fínu fjöri. Sunnudagurinn var eftir því. Svo mætti maður á mánudeginum galvaskur til vinnu hjá Úti og Inni. Það er sko ekkert frí tekið á þessum bænum. Á þriðjudagskvöldið kíktum við Addi í Kleifarvatn og bleyttum í. Leyst nú satt best að segja ekkert á þessa uppastungu Adda að fara þangað. Hef farið 3 sinnum þangað og ekki fengið svo mikið sem eitt högg. Það virtist ætla að endurtaka sig en um 23 leitið ákváðum við að reyna einn stað áður en við héldum heim. Og það var eins og við manninn mælt. Það lyngdi alveg og vatnið var eins og spegill og þá fór hann loksins að taka. Fengum þarna einhvern slatta af bleikjum en við nenntum ekki að hirða þetta þannig að við vorum svo góðir að gefa þeim öllum líf. Hættum ekki að veiða fyrr en kl. 2 um nóttina. Þá fattaði ég að ég þyrfti að mæta til vinnu morguninn eftir. En frábært kvöld engu síður. En á morgun föstudag tek ég hinsvegar frí í vinnunni, en þá verður haldið norður yfir heiðar og það til veiða í Fnjóská. Eins og fyrri daginn þá verður fríður hópur þar á ferð en nýráðinn starfsmaður Vero Moda sem er enginn annar en Svanur Karlsson, Addi Stóri og frú munu vera á svæðinu. Við Svanur fórum einmitt áðan og keyptum veiðidót fyrir alltof mikið. En þetta kostar allt saman skyldinginn. Skotsilfur. Þar sem að Fnjóská liggur um Vaglaskóg þá mun ég sjá til þess að einungis verður spilað lagið Vor í Vaglaskóg alla helgina. Ekkert annað. Jæja þetta er svona yfirlit yfir það sem er búið að gerast frá því að maður kom heim.

Þá er maður orðinn einn í kotinu. Hef ekki þurft að gera handtak á heimilinu í tæpa viku. Bara setið í sófanum og horft á sjónvarpið eða lært. Mikið er þetta þægilegt. En nú styttist hinsvegar í heimkomu. Mæti á klakann 29 júní. Fram að því eru bara lærdómur og svefnlitlar nætur sem verða í fyrirrúmi. Svo er það bara veiði og fíneri. Byrja reyndar að vinna þarna strax mánudaginn 2 júli. En þetta er svo skemmtileg vinna þarna uppá Úti-inni að þetta verður bara stuð. Annars er það ekki mikið meira sem er í gangi. Nema bara að ég er að dunda mér við að rífa skinn af líkamanum. Hef aldrei lent í öðru eins flagni. En eftir þetta blíðvirði hér síðustu daga þá flagna ég bara. Gengur ekki. En það er spáð rigningu hér út næstu viku held ég bara þannig að maður ætti að geta einbeitt sér eitthvað í skólanum. Að skoðannakönnuninni hér að neðan að dæma þá er Helgi Björns klárlega töffarinn í tónlistinni. Kem svo með einhverjar glóðheitar fréttir hér á næstu dögum. Ef það koma einhverjar þá er Spliffið fyrst til að birta þær. Annað er bara lygi. 

K.

Fékk póst frá Íslendingafélaginu í Horsens áðan um það að öllum hátíðarhöldum dagsins yrði frestað vegna veðurs. En fyrir þremur dögum fékk ég annan póst frá þeim um að veðurspáin væri ekki góð fyrir þjóðhátíðardaginn en við Íslendingarnir myndum nú ekki láta það stöðva okkur. Þannig að þeir hafa eitthvað bugast skipuleggjendur. En ég skil þá svosem þar sem að ég hef aldrei lent í annarri eins rigningu og áðan. Var staddur í Skjern og það var bara flóð á götunum. Fór í gær að hjálpa honum Villa að ganga frá íbúðinni sinni þar sem hann er að fara að flytja. Tók með mér móður mína og hana Kristínu vinkonu hennar sem eru í heimsókn. Þær þrifu hátt og látt á meðan ég tók af mér að gíra og græja veggina á heimilinu. Þ.e.a.s spasla og annað. Villi hvergi sjáanlegur. En svo mætti hann þegar verkið var að klárast himinlifandi með afraksturinn. Svo var farið út að borða um kvöldið á hinu sívinsæla Pakkhúsi. En ég mæli með hér við alla þá sem koma til Danmerkur að gera sér ferð til Skjern á Pakkhúsið og fá sér steik. Hef prófað nokkur steikhúsin í DK á þessum tíma sem maður er búinn að vera hérna en Pakkhúsið stendur uppúr. Villi var svo ánægður og þakklátur að hann ákvað að bjóða okkur öllum. Þannig að ég segi bara takk Villi. Góður.

Annars mun restin af þessum degi bara fara í ritgerðarskrif sem þarf að skilast á morgun. Þannig ég ég segi bara líf og fjör.

En smá skoðanakönnun í lokin. Bubbi Morthens hefur löngum verið kallaður kóngurinn í íslensku tónlistarlífi. Stendur fyllilega undir því nafni en ég hef nú verið að spá í hver sé nú mesti töffarinn. Tveir koma til greina. Það er kóngurinn Bubbi og svo að sjálfsögðu Helgi Björns.

Þið dæmið þetta en að mínu mati er Helgi Töffarinn í íslensku tónlistarlífi. Ú je je. Eru ekki allir sexý?

K.

 Búinn að hlæja mikið undanfarna daga að lélegu gengi K.R í fótboltanum. Get ekki að því gert en mér finnst þetta bara alveg meiriháttar að sjá þá þarna á botninum. Alveg æðislegt. hehe. Svo eiga þeir F.H á morgun sem taka þá eflaust í bakaríið eins og síðustu ár.

1. FH            5  4  1  0  11:3   13
  2. Valur         6  3  3  0  10:6   12
  3. Keflavík      5  2  2  1  10:7    8
  4. Fylkir        5  2  2  1   5:4    8
  5. Víkingur      6  2  2  2   6:6    8
  6. HK            5  2  1  2   3:8    7
  7. ÍA            5  1  2  2   9:9    5
  8. Breiðablik    5  0  4  1   4:5    4
  9. Fram          5  0  2  3   4:9    2
10. KR            5  0  1  4   5:10   1

Þetta er alveg frábært. K.R niður - Víkingur Ólafsvík upp. Reyndar tæpt þar sem þeir eru líka á botninum í 1. deild. En aldrei að segja aldrei.

Svo er það annað. Þessi frétt hérna http://sport.is/fullfrettir.php?idnews=5820&idcat=10 Ísland hefur aldrei verið neðar á heimslistanum. 109 sæti. Stórþjóðir eins og Benin, Grænhöfðaeyjar, Botsvana og Malaví eru í sætunum þarna fyrir ofan okkur. Þetta er alveg meiriháttar. Hvaða þjóð er annars Benin? Þetta er ekki aumur félagsskapur sem við erum í eins og segir í fréttinni.

Annars er ég bara slagfær vonum framar. Þessi sólpallasaga í greininni hans Adda hér að neðan verður tekin fyrir í söguhorni á næstu dögum. Áfram Ísland

K. 

Nú er ég fluttur í álverið í Straumsvík, það er frábært, nægur hiti og ál. Annars hefur verið nóg að gera seinustu vikurnar, bara leika sér að veiða, æfa eða lyft þar sem ég er meiddur þessa dagana, helvítis tognun í skriðfætinum. Ég var um daginn í ræktinni Hress og hvern haldið að ég hafi hitt annan en indjánahöfðingjan Bjarna Gunn, drengurinn er orðin ótrúlega köttaður, hann er víst að fara að taka þátt í næsta þrekmeistara, aldrei hefði ég trúað þessu, sjálfur Bjarni Gunn í þrekmeistarann. Ég kíkti í heimsókn til Stjána og Villa í Dk, við Hervör gistum á Michael Schumi svítunni, ótrúlegt útsýni yfir Ráðhúsplanið í Köben, en það setti smá svip á herbergið að það virtist ekki hafa verið yfirfarið síðan í seinni heimstyrjöldinni. Við Hervör kíktum í tívolíð með Stjána, Villa og Jóa og Huldu. Það ótrúlega merkilega við það var að Villi er alger kelling, eina tækið sem hann þorði í var klessubílarnir, hann þorði ekki einu sinni í barnarússíbanann, ég hef aldrei séð annan eins kettling, en hann stóð sig samt vel í ferðinni, talaði dönsku eins og grænlendingur á 15 bjór. Helvítið hann Stjáni hringdi síðan í mig um helgina á Meatloaf tónleikum vá hvað ég öfundaði hann, I would do anything for love osfv, síðan sá hann auðvita Kim Larsen ég hef reyndar aldrei skilið hvað menn sjá við hann, maður skilur ekkert hvað hann segir. Nú bíð ég bara í ofvæni eftir því að Stjáni komi heim þar sem ég þarf að fara í að setja upp sólpall hér við íbúðina mína í álverinu. Við Stjáni erum mjög vanir að setja upp sólpalla, gerðum þetta í boðaföllum á sínum tíma út á Seltjarnarnesinu, mannstu hahahahahhahahaha, ég leyfi Stjána að segja þá sögu, bless í bili 

Arnar Haukur Jón Fylkir Stord Fylkir Stjarnan Fram Breiðablik Agnarsson

Það er óhætt að segja að sumarið sé komið hér í DK. Þvílík molla hérna. Var að enda við að keyra Villa og Tinnu að sækja bílinn sinn og á mælinum stóð 27 gráður. Og ekki enn komið hádegi. Þetta er of mikið fyrir mig, Íslendinginn sem fær aldrei lit. En ég er nú bara ekki frá því að ég hafi tekið smá lit í gær. Er allavegana helvíti illt í öxlunum. Það er merki um eitthvað. En við fórum í gær s.s á stórt Tónlistarfestival sem var hér í grenndinni. Var nú búinn að lofa Adda að hringja í hann þegar Meatloaf væri að spila en það var eitthvað sambandsleysi hjá pilt. Grunar að hann hafi verið með stöng í einhverri ánni með jafnvel einn stórann á. Þetta var allavegana mikil snilld. Ásamt Kjöthleifinum var Kim Larsen á svæðinu en hann er helvíti góður. Þetta er Bubbi þeirra dana. Við mættum þarna um 13 leitið og bjuggum okkur til íslendingabæli þarna á túninu. En Ribe gengið mætti einnig s.s Tryggvi, Haffi og Ingibjörg. Þarna sátum við til klukkan 12 að miðnætti með kaldann í hönd. Dagurinn í dag á nú að fara að lærdóm en það verður erfitt í þessum hita. Geri ráð fyrir því að hann muni bara hefjast þegar að það fer aðeins að skyggja á sólu. Er að spá í að fara bara og kaupa mér sterka sólarvörn og kíkja á ströndina. Heyrði reyndar í Gulla og Svan í gær. Þeir voru að fara á tónleika með SSsól. Þetta eru gleðitíðindi að þeir séu byrjaðir að spila saman aftur. Maður verður að kíkja á gigg með þeim í sumar. Miklir snillingar þar á ferð. En það er ekki meira í bili. Farinn að fá mér ís og skella mér í sólina.

Tutti Frutti

Hér eru þeir myndarlegir saman. Kim og Kjöthleifurinn 

K.

Það er ekki ómerkari maður en Þórólfur Nielsen eða Þórdís Brynjólfs eins og margir þekkja hann sem fagnar afmæli sínu í dag.

 Við hjá Spliff óskum að sjálfsögðu þessarri miklu hetju til hamingju með daginn, En hann mun taka á móti gestum á heimili sínu á Sunset Boulevard nr. 7. í kaffi og kleinuhringi nú síðdegis. Hann er svo langt á eftir í tíma þannig að það er ekki enn komið síðdegi hjá honum. Allir velkomnir. Já honum Þórólfi er margt til lista lagt fyrir utan að vera afburðar námsmaður. En einnig er hann afburðar veiðimaður, handboltamaður og það sem fæstir vita er að hann á Íslandsmetið í að Fleyta kerlingar. En hann setti sögulegt met fyrir um 3 árum þegar hann fleytti 53 kerlingar á Vífilsstaðavatni. Geri aðrir betur.

Þarna er hann með glæsilegan lax úr Stóru Laxá síðasta sumar. Flottur 

Hér hjá mér í dag var magnað veður. Ekki frá því að þetta hafi verið heitasti dagurinn nú í sumar. 33 gráður stóðu á mælinum í Horsens þegar ég var á leiðinni heim úr skólanum. Hins vegar voru 28 gráður þegar komið var í Vejle þannig að þetta hafa verið um 30 gráðurnar í dag. Glampandi sól og frekar erfitt að sitja inni til klukkan 16 í svona blíðu. Spáð er áframhaldandi blíðu sem er bara gott. En svona lítur kortið út fyrir næstu fimm daga.

Ekki slæmt. Hins vegar átti ég skila til ykkar frá Arnari að vegna mikilla anna við bæði kirkjustörf í Kirkju Jesú Krists Hinna Síðari Daga Heilögu og tímafreks undirbúnings fyrir Feneyjaferð þar sem hann verður fulltrúi Íslands í Feneyjatvíæringnum 2007 hefur hann ekki getað ávarpað fólk hér á Spliff síðustu misseri. En hann lofaði því þó að fara að koma með grein á næstu dögum. Annars segi ég bara: Farið fagnandi.

K.

Svart auga, gul kinn, dofið nef. Svoleiðis er ástandið. Skil nú ekkert í þessum dofa í nefinu þar sem ég fékk ekki högg á nefið. En þetta er bara töff. Ekkert í gangi nema bara skólinn. Enn tæpur mánuður eftir af þessarri vitleysu. Farinn að sjá sumarfríið í hyllingum. Ómögulegt að vera að sitja inni í þessum hita. Eða eins og maðurinn sagði í laginu hér forðum " We can´t go on together, with suspicion minds". Hvernig svosem það tengist þessu, en þetta sagði hann allavegana. Annars er ég að spá í að fara að dansa bara eða gera einhver óskunda til að rífa aðeins upp stemmninguna. Við verðum jú öll að berjast í þessu.

"Vænan, ætlarðu að henda í mig einum PK. Og hafðu hann bláan". Hver man ekki eftir PK tyggjóinu?

K.

Það er heldur betur hvað Freysi kallinn er á milli tannana á fólki þessa dagana en hann er í öllum helstu tímaritum dagsins í gær. En hann var að gerast framkvæmdarstjóri Agnsins. Tek þessa frétt glóðvolga úr blaðinu í gær.

Ágúst K. Ágústsson hefur látið af starfi sem umsjónarmaður Agnsins og hefur Freyr Heiðar Guðmundsson tekið við. Nýi ritstjórinn er auðvitað mikill áhuga maður um veiði og vel að sér um tölvur og meira en tilbúinn í slaginn og á eftir að gera marga skemmtilega og spennandi hluti á vefnum. Eins og allir vita fylgja allt af nýjar áherslur nýjum mönnum og verður spennandi að fylgjast með framhaldinu. Freyr Heiðar Guðmundsson er nemandi í verkfræði í Háskóla Íslands. Mikill uppgangur er á Netinu með veiðiskrifin, en Vötn og veiði, SVFR og Krafla hafa verið öflug að skrifa um veiðiskapinn.

Já hann Freyr er sko að delera þessa dagana. Við hjá Spliff segjum að sjálfsögðu bara Heyr, Heyr, Freyr.

Annars er það að frétta að ég lýt út eins og Fílamaðurinn í dag. Get ómögulega látið sjá mig meðal almennings. Segi það kannski ekki en ástandið á andlitinu á mér er virkilega slæmt. Þannig er mál með vexti að ég fór á mína síðustu æfingu á fimmtudaginn hjá Fredericia. Allt í góðu og fín æfing. Nema hvað að þegar það eru svona 20 mín eftir af þessu þá fæ ég líka þetta fína högg á kinnbeinið. Og ég bara steinlá þarna. Svo heyri ég bara þarna eitthvað babl í Fannari. "Hvað er þetta, ertu ekki Íslendingur? Getur ekki verið að liggja þarna í gólfinu" Þannig að ég stóð upp og hringlaðist næstum niður aftur. Vankaður. Svo hrúgaði sjúkraþjálfarinn í mig einhverjum pillum þarna. Þær hjálpuðu. Fór svo með Fannari á heilsugæsluna að láta kíkja á þetta þar sem var orðinn eins og Fílamaðurinn í framan. Þar var mér bara sagt að borða bara þessar pillur og það nóg af þeim. Fór svo í skólann í gær. Það héldu náttúrulega allir að ég hefði verið laminn. Skiljanlega. En núna heldur þetta bara áfram að bólgna og bólgna. Þyrfti eiginlega að eiga mynd af þessu. En þetta fylgir þessu sporti víst að fá svona högg. Það er bara gaman af því.

Fór annars í gærkvöldi aðeins í bæinn þar sem það var svona By fest. Eða bæjarhátið eins og það túlkast á íslensku. Troðfullur bær og hljómsveitir að spila um allt. Var nú bara til 23. Var alltof ljótur til að vera þarna, nei nei. Svo þurfti nú ekki marga bjóra til að finna ágætlega á sér þar sem maður var búinn að taka nokkrar pillur með þessu. hehe. Svo næstu helgi er svaka tónlistarhátíð hérna. Meatloaf, Kim Larsen og fleiri snillingar eru að spila. Meatloaf er nú eitthvað fyrir hann Stóra. Þú bjallar bara ef þú villt kíkja. Annars er það ekki fleira í bili. Jú ég vaknaði hálf átta í morgun. Hvað er það? Á laugardagsmorgni. Það gerist ekki oft á þessum bæ.

Annars vil ég bæta því við að enginn annar en Idol Hetjan Kalli Bjarni var tekinn með 2 kíló af Kókaíni í Leifsstöð á fimmtudaginn. Hann er sko aldeilis að standa sig drengurinn. Grunar mig að Villi greyið sé í sárum út af þessu máli enda mikill aðdáandi Kalla Bjarna.

K.

Afsaka þetta bloggleysi hér endalaust, meðstjórnandi Spliff er bara ekki að standa sig í stykkinu. Hann er bara í einhverju svínaríi og kvennafari í tíma og ótíma. En jæja ég fór þarna til Köben á laugardaginn. Villi slóst með í för og er hann án efa einhver sá allra lélegasti leiðbeinandi í umferð sem sögur fara af. Ég keyrði semsagt og hann sagði mér í sífellu að beygja til hægri. Allstaðar átti að beygja og eftir um klukkutíma hringferðir hingað og þangað um Köben náðum við loks á leiðarenda. Palace Hotel á Ráðhústorginu. Já Agnarsson parið var eitthvað að slá um sig greinilega. En þau gistu í sama herbergi og Michael Schumacher gerði einhverntíma. Allavega hét herbergið hans nafni. Við þangað. Tókum 2 kalda inn á herbergi og fórum svo á stað sem heitir Bryggeriet eða Brugghúsið. Þar mættu Jói og Hulda kærasta hans og hittu okkur. Byrjað var á því að fá sér líters bjór í svakalegu glasi sem var um 40 cm hátt en skilyrðin fyrir að fá slíkan bjór voru sú að maður þurfti að afhenda annan skóinn og í staðinn fékk maður svona risastórann stráskó. Tókum tvo svoleiðis og með því borðuðum við drengirnir 1.4 kílóa risasteik. Þýðir víst ekkert minna. Hún bragðaðist vel. Þaðan var haldið í Tívolíið en þangað hef ég ekki farið. Það var svaka stuð. En Villi greyið fékk eitthvað i magan í svona rólu sem snerist í einhverri 50 metra hæð. Hann sagðist ekki getað farið í fleiri tæki. En svekkjandi var að við misstum af rússibananum sem var ekki nógu gott en við tókum fallturninn í staðinn. Það náðist að draga Villa í hann. Það var stuð. Tókum nokkrar ferðir en í einni þeirra ákvað Villi á upp leiðinni að losa um öryggisbeltið mitt. Ekki nógu sniðugt finnst mér. En það hafðist að setja það aftur á áður en við fórum niður. Helvítis fíflið. Fær þetta borgað. Eftir þetta fórum við á Samsbar þar sem Addi ætlaði að sýna snilli sína með hljóðnemann en þar var svo troðfullt og leiðinlegt að við fórum út. Létum svo einhverja gæja hjóla með okkur í svona vögnum á einhvern risastórann skemmtistað sem ég man ekki nafnið á. Létum þá fara í kapp. "It's a race" En þetta var síðasta kvöldið þar sem var opið á þessum stað þannig að það flæddi allt í ódýru áfengi sem var anskoti fínt. Fórum þar vel í því á hinn Samsbar. Þar var enn leiðinlegara. Það var komið gott í bili. Tókum þynnkufyrirbyggjara á McDonalds sem fór vel í mannskapinn nema Adda greyið sem vaknaði þynnri en nokkru sinni fyrr og var ekki viðræðuhæfur fyrr en um klukkan 17 á sunnudeginum. Þá fórum við á viðbjóðslegan pizzastað og fórum svo í siglingu. Hún var fín svosem. Annars er það ekki fleira.

Fór reyndar í búðina áðan. Sá mjög ófrítt par sem var í sleik þarna í sífellu. Skipti engum togum um hvort það var við grænmetisborðið eða kassann. Það á að henda svona liði út. Óbjóður. Jæja

K.

Ekki mikið í gangi frá því að maður mætti á svæðið. Það er bara búinn að vera einhver slappleiki í gangi. Eitthvað vesen með asmann. Það reddast. En í gær þá fór ég að sækja asmalyf í apotekið, þar sem mitt var búið. Þá var verið að bjóða upp á gingsen í svona vökvaformi. Stóð utan á pakkanum extra strong. Jæja ég var líka svona helvíti þreyttur að ég fékk mér 2 skot af gingsen. Klukkan var svona um 15 leitið. Átti að vera æfing þarna 17:15. Allt í góðu með það nema að ég legg mig þegar ég kem heim þar sem ég var orðinn svo þreyttur eitthvað eftir daginn. Stilli klukkuna á 16. Þegar ég vakna og tel mig vera tilbúinn til að fara á æfingu þá er klukkan orðin 20. Góður Kristján, góður. Ekkert við því að gera svosem. Nema þetta Gingsen var greinilega að virka í öfuga átt. Um kvöldið næ ég svo ekkert að sofna fyrr en um 2 leitið. Tel orsökina vera allur svefninn fyrr um daginn. En það vildi nú ekki betur til en að ég svaf líka all hressilega yfir mig í skólanum. Þannig að þetta djöf... Gingsen rusl virkar ekki neitt. Hvort sem það er Rautt eðal eða í vökvaformi og það extra strong. Þannig að já, þessi slappleiki er svona það eina sem er að gerast um þessar mundir. Og svo fer að aukast álagið núna í skólanum þannig að þetta var kannski ekki besti tíminn til að sofa yfir sig. Vinn þetta upp á mánudaginn. Þá er frí í skólanum. Langar reyndar helvíti mikið að fara að veiða í Þingvallavatni eftir að ég las fréttir um það að í gærkvöldi hefði veiðst 25 punda urriðiskrímsli þarna.

Helgin mun verða þannig að á sunnudag verður lært og einnig á mánudag en á morgun held ég til Kaupmannahafnar. En þar hef ég verið boðaður á fund með Arnari Jóni Agnarssyni. Þetta er semsagt árlegur fundur Spliff e.h.f sem að þessu sinni verður haldinn í Köben. Fundarhöld munu hefjast um 2 leitið á hótel Palace við Ráðhústorgið en þar verður fundarstjóri enginn annar en maraþonhlauparinn og lögfræðingurinn Hervör Pálsdóttir unnusta Arnars. Einungis verða rædd alvarleg mál. Annar hluti fundarhalda verða haldin í Tivoli. Þar verða einnig rædd alvarleg mál. næstu hlutar verðar haldnir á pöbbum hér og þar. Og það kemur ekkert annað til greina en að ræða alvarleg mál.

Helgargetraun fer nú í loftið. Í verðlaun eru gamlar sundskýlur sem Addi notaði undir stuttbuxunum í leikjum sínum með Stjörnunni. Þessar sundskýlur notaði hann allt frá 3 flokki og upp í meistaraflokk. Já ekki eru dónaleg verðlaunin nú sem endra nær.

Hvað sagði Bubbi Morthens upphátt og hvíslaði svo í hljóði á plötunni Allar áttir?

K.

Þá er maður mættur aftur í veisluna. Ákvað s.s að skella mér í langt helgarfrí á fimmtudaginn. Arnar Smári var einmitt að henda Elísu sinni til Berlínar þannig að hann tók mig með í bakaleiðinni. Það hentaði fínt og brunuðum við í bæinn. Fimmtudagskvöldið fór svo í það að kíkja aðeins á Gulla og Jonna sem voru í rokinu í Hafnafirði að leggja rafmagn í plötu eina. Duglegir drengirnir. Nennti nú ekki staldra lengi í þeim hörmungum og kíkti í heimsókn til Smára. Þar fengum við okkur félagarnir ásamt Maraþonhlauparanum Freysa nokkra kalda og ræddum alvarleg mál. Meðal annars var rædd þátttaka Freysa í Reykjavíkurmaraþoninu í sumar en þar ætlar hann að hlaupa 42 kílómetra og að etja kappi við Hervöru hans Adda. Sem er víst af maraþon ættum. Þetta er eitthvað að þessu fólki. En við Addi getum nú ekki verið minni menn og munum við halda uppi heiðri Spliff og skella okkur í hlaupið. Hvað við hlaupum langt er reyndar óráðið.

Föstudagurinn byrjaði svo á göngutúr með Ottó kallinum niður að Elliðavatni í sól og blíðu. Sumarið greinilega að koma þarna heima. Skellti mér svo í fótbolta í sólinni með drengjunum. Sýndi hreint ógleymanlega takta eins og svo oft áður. Svo eftir stúss hingað og þangað yfir daginn var haldið á ný til Smára. Helstu hetjur bæjarins voru mættar í pókerspil. Það þurfti náttúrlega ekkert að spyrja að leikslokum á þeim bænum og að sjálfsögðu vann ég eins og vanalega. Milljónir í vasann, milljónir. Svo var haldið í bæinn með viðkomu á háskólaballi á Broadway. Þar voru svona um 13 manns að skemmta sér við undirleik manna í svörtum fötum. Þeim fjölgaði svo í 15 þegar Gulli og Svanur komu á svæðið. En við dvöldum ekki lengi þar og héldum áleiðis í bæinn þar sem var tekið létt á því. Tókst að týna blessuðu kortinu mínu, ekki í fyrsta skiptið. Hefði reyndar átt að hringja um leið í Villa og ég týndi því þar sem að við týnum þessum kortum og veskjum yfirleitt á sama tíma. "Villi, tékkaðu nú hvort þú sért ekki örugglega með þitt" En yfir höfuð bara ágætis kvöld.

Laugardagurinn var fínn líka. Fékk hana mömmu til að elda fyrir mig humar. Klikkar seint. Hittumst svo nokkrir félagarnir heima hjá mömmu og ræddum alvarleg mál og tókum í gítar. Kíktum svo eins og fyrri daginn á bæjarlífið. Enduðum á Celtic til alltof seint. Stóðum svo þar fyrir utan í dágóðann tíma og hittum þessa líka fínu Finna sem voru á svæðinu. Okkur tókst þar að ljúga því að þeim að Arnar Smári væri í raun Eiður Smári. Og það ótrúlega við það var að þau voru öll að kokgleypa við þessu. Fengu númerið hjá Smára svo þau gætu nú fengið miða á leik ef þau væru einhverntíma stödd í Barcelona. Svo löbbuðu þarna nokkrir framhjá aftur og aftur og tóku undir lygina. Endalaust fyndið.

Jæja, Sunnudagurinn fór í veiði. Addi kom og reif mig úr bælinu og fórum við ásamt Palla bróður í Tungufljót í Biskupstungum. Vonirnar um að sumarið væri að bresta á þarna heima fuku um veður og vind þegar við löbbuðum úr bílnum. Slydda og rok. En við létum okkur hafa það og byrjuðum að veiða. Var nú hægara sagt að koma flugunni út í þessu en svo var eins og hendi væri veifað og allt í einu gerði þessa líka miklu blíðu. Logn og sól. Ótrúleg þessar veðrabreytingar. Það varði þó aðeins í um hálftíma eða svo. Slydda og rok tók völdin á ný. Við reyndum þó áfram á nýjum stöðum en ekkert gekk. Öngull í rass veiðilega séð þessi ferð en gaman engu að síður. Á leiðinni heim gerði svo blindbil á Hellisheiðinni. Magnað, og það í lok Maí.

Fór svo út á ný í gær. Var í innskráningunni þarna á Leifsstöð þegar ég sé kunnuleg andlit fyrir aftan mig í röðinni. Voru ekki Finnarnir frá því á laugardeginum mættir þarna. Ég reyndi nú að láta lítið fyrir mér fara en þau virtust taka eftir mér. Það kom eitthvað glott á þau. Voru svo einnig í sömu vél og ég. Eintaklega ánægjulegt. Feginn að hafa ekki lent við hliðina á þeim. Það hefði toppað það.

Oftar en ekki eru flugfreyjur glæsilegar og með flottar línur. En það var nú ekki í þessu flugi. Í þessu flugi voru þær ekki upp á marga fiska. Önnur þeirra var feit með vörtu á efri vörinni og hin var Helga Möller. Eins og hún er nú leiðinleg söngkona þá er hún enn ömurlegri flugfreyja. Málið er að ég sat við ganginn. Þar þrammaði Möllerinn fram og til baka alla ferðina og í hvert einasta skipti sem hún fór fram hjá mér þá rak hún sitt spikfeita rassgat utan í mig. Horfði aðeins á þetta og án alls vafa þá fyllti fjósið á henni út í ganginn. Þannig að ég skora hér með á Flugleiði að splæsa í eitt stykki svona stigvél-þrepavél eða hvað sem þetta kallast. Svona svo hún passi í ganginn í flugvélinni. Þangað til á hún bara að vera í miðaafgreiðslunni. Allavegana þá svaf ég ekki dúr í þessu flugi og ef ég komst svo langt að dotta þá hrökk maður nokkrum sek seinna eftir árás frá Möllerfjósinu.

Það tók ekki betra við þegar við lentum. Þar missti ég af lestarfjandanum. Náði þó annarri þegar klukkan var að ganga hálf tólf. Sú lest bilaði í Odense og var ég ekki kominn til Fredericia fyrr en klukkan var langt gengin í 3. Hefði ekki boðið í það ef Möllerinn hefði verið að þjóna þar líka. En allt endar þetta og komst ég í rúmið þótt seint hafi það verið. Góð heimkoma var á enda. Mæti svo í byrjun Júlí.

K.